Pidato Pasambahan Adat Minangkabau (c.1883)
Assalamu'alaikum Warahmat Allah Wabarakatuh!
Minta' salamlah ambo bakèh sagalo tuanku, minta' ampunlah ambo bakèh sagalo datuak urang nan batujuah, nan sahinggo kaki gunuang Sago hilia, nan sahinggo Muaro mudiak.
Kudian dari pado datua' urang nan batujuah dituo'lah luhak sarato larèh, lareh nan duo, luhak nan tigo.
Mano nan di kato lareh nan duo, luhak nan tigo ?
Lareh Bodi-Caniago dan Koto-Piliang.
Mano nan di kato luhak nan tigo ?
Nan sahinggo Sipisau hanyuik hilia, nan sahinggo Durian ditakuak Rajo, пап sahinggo Sialang balantak basi, nan sahinggo Rantau Kuantan Batanghari, sahinggo Salat jo Indópuro, lalu ka Rambah dan Tambusai, nan sahinggo Padang, Tiku jo Pariaman, nan di parentah Daulat nan dipatuan didalam nagari Pagaruyuang.
Kini ambo mandatangkan sambah kapado sagalo tuanku ulamó basa, dan sarato kapado Tuanku nan kiramaik, kapado datuak basa batuah, sagalo manti jo pagawai, parabilangan pilihan hulubalang, nan saisi tampèk medan majilíh, ko ambo mandatangkan sambah.
A ko tu nan kan ambo pasambahkan ?
Lah maruwok lah mamatiah, lah marandang galu-galu. Baloen sadanglah balabiah, sambah hambo kan di palalu.
Balaie tantang Malako, biduak tak panuah dek sampah. Injiak sarato mamakpun lah rato, ambo ka mandatangkan sambah.
Anau kaciak kurang palapah, daun sapek runduak-runduak kan. Ambo kaciak mandatangkan sambah, Indak dapék tunjuak-tunjuak kan.
Tanamlah anau di Malakó, ka lurah condong palapah. Tanang-tanang datuak bakato-kato, ambo kamandatangkan sambah.
Ka lurah condong palapah, tasangkuik di lambai-lambai. Ambo kaciak mandatangkan sambah, balun lai ambo urang cadiak pandai.
Kurang pandapèk ba' sikèk, kurang pasah ba' jalan. Ambo datang kurang pandapèk, balun lai ambo ba' nan gadang.
Sitako batang sitako, daun nyo lah rimpik-rimpik, Injiak jo mamak pun lah rato, Ambo ka mandatangkan sambah agak sakacik.
Kalimpanang tumbuäh diatèh boekik, Sikaduduak tumbuah di lambah. Minta' sanang ambö sakacik, ambo kamandatangkan sambah.
Kalam bungkuak di atèh pagu, anak dayang panyurek kaco. Ayam bakukuak ambo lai ragu, Kok kunun datuak bakatö-kato.
Siturang pangali lambah, babaju rupönö gandun. Kok tadorong ambo manyambah, sakali gawa, baribu ampun.
Pisang buwai basukek buwai, di bari bacupak bungo. Tagak ambo sapantun tuwai, masak padi mangkö paguno.
Kalalawa di pulau Rimbang, anak ruso mati tadabiah. Kok tagawa buliah ditimbang, Kok tasalah ampun nan labiah.
Pinggan jorong, cawan nyo jorong, sabuah baisi nasi. Sambah ambo kök tadorong, jan dibaok masuăk hati.
Kamano jalan ka Indogiri, Kataluak sawah nan panjang. Dima mulő adat tadiri, Di nagari nan tuo Pariangan-Padangpanjang.
Talatak di ateh talang, andurun tabang kalandia, dari sinan ka Malakö. Sambah ambo sambah di salang, nan turun dari Hadih sarato Dalia, dek Muhammad sudah nyo kato.
Gadanglah aia sungai Landai, batang pigago di sakokan. Indak lah ambo cadiak pandai, adat pidato di sambahkan.
Dirandang-randang di masak, dikirai-kirai di banda, tatangguak ikan Gulamo. Dibilang-bilang di atok, dicurai-curai di papa, sabarih indak hilang, nan samato indak lupo, di bangkik sitambun lamo.
Jaik-bajaik tapi kasuänyö, suji-basuji matö bantanyö, jikok gaib datang kapado asanyo jikok cabuă datang kapadó usuanyo..
Kayu sapèk nan di lurah, Diambiak ka tangkai pangkuä, labiahnyo ka papan tundo. Sarupo kabèk nan indak barubah, simpai nan indak baransua, mangko datang sampai kininyo ba'
nangkö juo.
Situra namo bilalang, angarih turun baniago, nan bacupak nan bagantang, nan balukih balimbago, nan baico nan bapakai, nan baturun banaiak kan.
Tawang bawang, Laloewo diatèh banta.
Koto tangah Batang Agam, Kasua atèh palupuah, nan turun dari awang sarato gumawang, nan banamö tuo Tanah-data, nan banamo tangah Luhak Agam, nan banamo bongsu Ranah Limo Puluäh.
Apolah lingkuangan tuo Tanahdata ?
Baruah Alam, Gunuang Pasisia, nan hinggan Salo mudiak, nan hinggan Pintu Rajo hilia, saheda Gunuang Marapi, hilia ba-Tuan, mudiak ba-Datuak, tibo di tangah manyambah.
Na to, kök sia ko urang nan hilia ba-Tuan, mudia ba-Datuak, tibo di tangah manyambah ?
Datuak Bandaro di Sungai Tarok, Datuak Makudun di Sumaniak, Tuan Kali di Padanggantiang, Rajo Basa di Pagaruyuang, Pasa dek Sungai Jambua, Camin di Sulik Aia, Ampang Limo di Batipuah, Tangkai Alam di Pariangan Padangpanjang.
Melah ba' nan tun, ka ba'a pulo pangataui tangah Luhak Agam ?
Nan hinggan Dasun Tungga Hilia, nan hinggan Lado kaciak putiah mudiak, nan sahèda Gunuang Singgalang.
Mangko apölah pangataui bongsu Ranah Limo Puluah ?
Iölah Baliang Patapahan, Surau Labua Gunuang, di ulak Gaduik Tabiang Tinggi, nan di Balai Sari Lamak, nan di ulu Gantiang : Koto Lawèh kunci basi, Sarik lawèh, Batu Hampa, janjang jo pintu Palembayan. Situjuah, Pamuncak sarato Banda Dalam, nan saranah-ranahnyö, Bodi, Aia Tabik, Ampèk Angkèk.
Kapakan urang Pitalah Nan badaun ka panungkuih ikan. Rumah gadang nan indak bapahek, Bapahèk indak baparan.
Bakèh Tuhan Allah juo nan hambo puhunkan.
Nan ma kok gadang no roemah ?
Nan balantai bumi, nan bahatok langik, nan bakalambu awan sirah, nan balapiak awan putiah, nan batirai awan hijau, nan babanta awan kuniang.
Sagalo manti jo pagawai, pado pilihan hulubalang, nan saisi medan majilih, lai ambo nan manyambah.
A to nan kan ambo pasambahkan ?
Di tiok hari tujuah, wakatu limo, Ujuik satu, Bulan Duo Balèh, Tahun Duo Lapan.
Dalam bulan nan duo balèh, tigo bulan nan di labiahkan Allah :
- paratamo, boelan Ramadan.
- kaduó bulan Zulhijah,
- katigo boelan Rabiulawal.
Jikok tibo bulan Ramadan, di darah-darahi katangah balai, di puasökan tigo puluah hari.
Ikölah adat datuak urang nan batujuah, limbago datuak urang nan batujuah, nan baturun banaiak-kan, nan baico bapakai.
Na to kini muah ka mahadu kabau katangah balai ?
Jikok kabau dihadu, jikok luko-maluko, jikok patah-mamatah. Jikok patah kabau di bantai, utang di atèh datuak urang nan batujuah.
Pihak kapado kalian, laki-laki padusi, gadang kètèk, tuo mudo, di datuak luhak sarato larèh, sadono nan lai taatok di balai ko.
Kök no lukö, luko sajö, kök no patah, patah sajö, kök no mati, mati sajo, indak juo ko utang ka đè' datuak urang nan batujuah.
Limbago datuak urang nan batujuah :
nan turun dari injiëk kapado mamak, dari mamak kapado kito; nan baico nan bapakai, nan baturun banaiak-kan. Salangkah tak lalu, satapak tak suruik, di buhua tak Iayua, di anjak tak mati, turun juö sampai kini, indak diubahi, baïco bapakai juo.
Dangalah sabuah lai :
Sirauik parancuang kalam,
Kalam dipancuăng Bidödari.
Patah di mano tatimpono.
Sambah ambo baririang jo salam.
Usah lai di harok kumbali,
Di mana-manö kan tibönő.
Sakiun sambah. (1883)
*****************
Note :
Diatas adalah tulisan J. L. van der Toorn yang termuat dalam Jurnal Bahasa, Tanah, dan Etnologi India, Volume XXV berjudul "Hale-hale nan biaso bapakai di oerang Malajoe di dare' ba' dikatokan di bawah ini".
J. L. van der Toorn banyak memberikan kontribusi yang sangat berharga bagi praktisi bahasa Minangkabau dimana berkat karyanya diketahui gambaran yang akurat tentang Festival yang dirayakan pada kesempatan pengangkatan seorang Imam atau Khatib Adat, serta juga menguraikan bagaimana festival-festival penting pada umumnya dirayakan oléh orang Melayu di Sumatera Tengah.
